Nga Gazeta 'Si'-Gjykata e Tiranës ka dhënë masën e sigurisë “arrest me burg” për Marsela Pushanin, e cila goditi me thikë të motrën duke i shkaktuar vdekjen.
Fillimisht familjarët e raportuan vdekjen e Amanda Pushanit si vdekje natyrale, por pas këqyrjes së trupit dhe kryerjes së autopsisë, u konfirmua se ajo ishte vrarë me thikë dhe për këtë akuzohet e motra.
Në sallë Pushani ka pohuar se nuk donte kurrë të vriste motrën e saj, por se kishte reaguar në kushtet e vetëmbrojtjes, pasi viktima e kishte kërcënuar teksa ishte në gjendje të dehur.
Marsela Pushani ka kërkuar masë më të butë sigurie, me pretendimin se duhet të kujdeset për nënën e moshuar.
Gjithashtu, avokati i saj i ka kërkuar gjykatës arrest shtëpie dhe ndryshim të kualifikimit të veprës së “vrasjes në kapërcim të kufijve të mbrojtjes së nevojshme”.
Sipas familjarëve, Amanda ishte person problematik dhe konsumuese e pijeve alkoolike.
Një ditë më parë është marrë në pyetje edhe nëna e viktimës, e cila tha se 37-vjeçarja i dhunonte. Dy motrat dhe nëna e tyre jetonin së bashku në një pallat në Rrugën e Kavajës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.