.png)
Një vrasje me armë zjarri ka ndodhur në qytetin e Shkodrës mbrëmjen e kësaj të diele.
Ngjarja ka ndodhur në bulevardin “Bujar Bishanaku” në ambientet e brendshme të një lokali, ku persona të maskuar kanë hyrë dhe kanë ekzekutuar 19 vjeçarin Erjon Xhenje.
Autorët kanë qenë me motoçikletë dhe janë futur në një rrugicë dytësore duke u larguar me shpejtësi në drejtim të paditur.
Po ashtu bëhet e ditur se i riu është qëlluar me breshëri plumbash. Në vendin e ngjarjes jane gjetur rreth 30 gëzhoja.
Ndërkohë zona është e populluar dhe me biznese, kamerat e te cilave mund te hedhin drite mbi zbardhjen e ngjarjes dhe identifikimin e autoreve.
"Rreth orës 20:10, në bulevardin “Bujar Bishanaku”, në lagjen “Naim Gjylbegu”, në një lokal, në rrethana ende të paqarta, është vrarë me armë zjarri shtetasi E. Xh., 19 vjeç, banues në Shkodër.
Shërbimet e Policisë janë vënë në ndjekje të autorëve, të cilët janë larguar me një motoçikletë.
Në lagjen “Guerrile” është gjetur nje motoçikletë duke u djegur dhe një armë zjarri pistoletë, që dyshohet se janë përdorur nga autorët", njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
