.png)
Gazeta Si – Gjykata e Tiranës kaloi për gjykim dosjen e autorëve të dyshuar të vrasjes së Gentjan Bejtjas në mars 2024 në Larushk të Fushë-Krujës.
Të pandehur në këtë proces janë Ilir Beqaraj dhe Edison Haxhiu, ndërsa në kërkim ndërkombëtar vijon të jetë Florian Plaku, i cili dyshohet se ndodhet në Dubai.
Në seancën e kësaj të premteje, mungoi Ilir Beqaraj, i cili paraqiti një raport mjekësor në gjykatë, ku sqaroi se arsyeja e mungesës lidhej me shkaqe shëndetësore.
Beqaraj dhe Plaku në bashkëpunim me njëri-tjetrin dyshohet se e kanë kryer vrasjen e Gentjan Bejtjas, ndërsa Haxhiu ka siguruar kushtet.
Beqaraj dhe Plaku në bashkëpunim me njëri-tjetrin dyshohet se e kanë kryer vrasjen e Gentjan Bejtjas, ndërsa Haxhiu ka siguruar kushtet pretendon Prokuroria.
Krimi dyshohet të jetë porositur përkundrejt pagesës, nga subjekte kriminale në konflikt me Bejtjan që jetojnë jashtë vendit.
Hetuesit kërkojnë gjykimin e Beqarajt dhe Palut për akuzën e vrasjes, mbajtjes pa leje të armëve dhe falsifikim të dokumenteve.
Nga hetimet akuza e kryeqytetit thotë se ka arritur të gjej gjurmë ADN, të Beqarajt në makinën që autorët kanë përdorur për tu larguar, pasi dogjën makinën e krimit.
Profil ADN në të njëjtën makinë u gjet edhe për shtetasin Flodian Plaku, ky i fundit në kërkim.
Gentian Bejtja u vra me breshëri kallashnikovi në banesën e tij në Larshuk pasditën e 15 marsit 2024. Në 2023, në një atentat, ku dyshohej se objektiv ishte po Bejtja, mbeti i vrarë kunati i tij, Ramazan Sino dhe u plagosën dy djemtë e mitur të Bejtjes.
Në 9 janar të vitit 2022, Bejtja, ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31-vjeçar, Klodian Stafuka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
