.png)
Nga Gazeta 'Si'-Kryetarja e Komisionit Europian, Ursula von der Leyen para nisjes së takimeve në ditën e dytë të Samitit të NATO-s ka deklaruar se Kosova dhe Serbia duhet t’i përmbahen udhërrëfyesit për të cilin kanë rënë dakord.
Përmes një deklarate për mediat ajo ka bërë thirrje të dy palëve të de-përshkallëzojnë situatën dhe të përmbushin atë për të cilën kanë rënë dakord.
“Ka një plan të dedikuar dhe të qartë, një udhërrëfyes… U bëj thirrje të dyja palëve të de-përshkallëzojnë dhe t’i përmbahen udhërrëfyesit. Kjo është absolutisht vitale për të ecur përpara në mënyrë paqësore…Është e qartë se të dyja palët duhet të përmbushin atë që kanë rënë dakord”, tha kryetarja e Komisionit Evropian.
Një ditë më parë Qeveria e Kosovës bëri të ditur se kanë rënë dakord me BE-në për tejkalimin e situatës në veri të vendit.
Ndër pikat me të cilat janë pajtuar është reduktimi i pranisë së policëve atje dhe mbajtja e zgjedhjeve në katër komunat pas verës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
