Nga Gazeta 'Si' - Raportuesja e posaçme e Parlamentit Europian për Kosovën, Viola von Cramon, ka deklaruar se pas një takimi në Strasburg me përfaqësuesit politikë të shqiptarëve të Luginës së Preshevës, diskriminimi sistematik ndaj tyre duhet të ndërpritet.
Von Cramon ka deklaruar në rrjetin social “X” se ka pasur një takim të rëndësishëm me përfaqësuesit politikë të minoritetit shqiptar nga jugu i Serbisë.
Diskriminimi sistematik ndaj tyre, duke përfshirë “pasivizimin” e adresave, nga ana e qeverisë serbe është i papranueshëm dhe duhet të ndalet menjëherë”, ka shkruar Viola von Cramon.
Important meeting with the political representatives of #Albanian minority from the south of #Serbia.
— Viola von Cramon 🇺🇦🇪🇺🇮🇱 (@ViolavonCramon) April 24, 2024
The systematic discrimination against them, including the ‘passivisation’ of addresses, by @SerbianGov is unacceptable and must be stopped immediately!@shkamberi pic.twitter.com/Xc4oL1ZHJY
Shaip Kamberi, Ardita Sinani dhe Ragmi Mustafi kanë shkuar për një vizitë treditore në Strasburg, ku kanë pasur të planifikuar takime me përfaqësues të vendeve të Bashkimit Europian, Asamblenë Parlamentare të Këshillit të Europës dhe eurodeputetë. Aktivitetet e tyre janë financuar nga qeveria e Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.