.png)
Në kuadër të operacionit policor “Transferta”, është arrestuar një tjetër person, duke e çuar në 11 numrin në total të të akuzuarve që janë vendosur pas hekurave.
Operacioni u finalizua në korrik të vitit të kaluar, ndërsa këtë të diel është arrestuar një 22-vjeçar, me inicialet E.K., i akuzuar për mashtrim kompjuterik.
Sipas policisë, i arrestuari së bashku me personat e tjerë që ndodhen në burg për një periudhë 1-vjeçare, ka ndërhyrë në llogari të ndryshme të rrjetit social Facebook, duke ndryshuar të dhënat e tyre dhe më pas i kanë përdorur për të komunikuar me miq të këtyre llogarive.
Me anë të mashtrimit, miqve të personave që u kanë ndërhyrë në llogari, u kanë kërkuar shuma të ndryshme monetare dhe si rezultat kanë përfituar shumën 38.000 euro.
Policia thekson se vijon puna për dokumentimin dhe mbledhjen e provave të tjera, si dhe për evidentimin dhe arrestimin e personave të tjerë të përfshirë në këtë aktivitet të kundërligjshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
