Nëse te meshkujt futbolli shkodran po vuan pasojat e menaxhimit shumë të keq dhe ekipi sapo është rikthyer nga një vit në purgator, Vllaznia e femrave vijon të shkruaj historinë. Klubi shkodran dominues absolut në futbollin shqiptar të femrave ka prerë sonte biletën për në fazën e grupeve të Ligës së Kampionëve.
Barazimi 1-1 në ndeshjen e sotme me Gintra ka qenë i mjaftueshëm për ekipin shkodran që ka dominuar grupin e vet dhe i lind kështu e drejta për të luajtur në kompeticionin madho, Uefa Champions League.
Kjo sfidë nuk ishte aq e thjeshtë për Vllazninë, pasi vajzat lituaneze kaluan të para në avantazh. Por duke pasur një lojtare si Megi Doci në skuadër, Vllaznia u hodh e gjitha në sul dhe arriti të gjente golin e barazim që vlen edhe kualifikimin historik. Tashmë Vllaznia do të mësojë ekipet që do të ketë në grupet e Champions, ku sigurisht të gjithë presim të bëjë një paraqitje pozitive.
Vllaznia nuk do të jetë i vetmi ekip shqiptar që do të luaj në fazën e grupeve të Champions League për femra. Një biletë për në këtë raund ka prerë edhe ekipi kampion i Kosovës, Trepcca. Vajzat kosovare mposhtën 1-0 ekipin malazez të Breznicës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.