.png)
Gazeta Si - Java e 26-të e Superiores ka nisur sot me ndeshjet Egnatia-Vllaznia dhe Kastrioti-Partizani, ku shkodranët dhe të kuqtë kanë dalë të humbur, duke u futur në krizë. Vllaznia mban vendin e 4-t aktualisht, kurse Partizani të 5-tin.
Një humbje turpëruese ishte ajo që Vllaznia pësoi në Rrogozhinë, me rezultatin 3-0. Heroi i ndeshjes ishte braziliani Pedro Augusto, autor i të tre golave për Egnatian. Një ndeshje shumë e dobët në mbrojtje e shkodranëve, në stolin e të cilëve debutoi Elvis Plori, pas largimit të Tomas Bërdariç.
Për Vllazninë ishte humbja e dytë radhazi, pas asaj në shtëpi me Tiranën. Për 30 minuta shkodranët luajtën me 10 vetë, pasi Heric u ndëshkua me karton të kuq.
Edhe Partizani duket në krizë. Javën e kaluar i shpëtoi humbjes ndaj Egnatias në kohën shtesë, ndërsa sot është mundur nga një tjetër ekip mbijetese, Kastrioti. Vendosi një gol i sulmuesit Kaina në këtë ndeshje, që pati shumë tension në fushë. Kallaku humbi një penallti për Partizanin, kur rezultati ishte 0-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
