Gazeta Si – Vllaznia në futboll për femra shkon në ‘Play off’-in e Ligës së Kampionëve. Shkodranet janë tashmë një hap larg fazës në grupe të këtij kompeticioni.
Kampionet e Shqipërisë mundën sot 1-0 në Mal të Zi skuadrën sllovake të Mijavës. Ishte finalja e miniturneut, ku Vllaznia pati fat në short dhe u kualifikua direkt për në finale. Mijava eliminoi në gjysmëfinale ekipin malazez të Breznicës.
Shkodranet e dominuan ndeshjen dhe krijuan shumë raste, por arritën të shënonin vetëm një gol, me anë të Shalës.
Më 1 shtator do të hidhet shorti i ‘Play off’-it dhe Vllaznia do të mësojë emrin e kundërshtarit. Kuptohet, do të jetë e vështirë, sepse bëhet fjalë për skuadra me emër, por vajzat kuqeblu do të luajnë shanset e tyre.
‘Play-off’-i luhet me dy ndeshje, me sistemin vajtje-ardhje. Nëse kualifikohet Vllaznia, për herë të parë nëj ekip shqiptar do të merrte pjesë në grupet e Ligës së Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.