.png)
Gazeta Si – Në ‘Stadium’ kanë vendosur një gol me goditje dënimi i sulmuesit serb dhe një gol i polakut në kohën shtesë për të marrë 3 pikët ndaj Specias. Juventusi kap Milanin, Lacion dhe Napolin në kuotën e 8 pikëve.
Pas dy barazimeve radhazi, skuadra e trajnerit Alegri rigjen fitoren dhe buzëqeshjen. Në javën e 4-t të Serie A, Juventusi mundi 2-0 Specian dhe i bashkohet kreut të ngjeshur, me Romën në vend të parë.
Bardhezinjtë e nisën shumë mirë ndeshjen, duke zhbllokuar shifrat falë një tjetër goditjeje dënimi perfekte të Vlahoviç. Më pas patën rënie dhe vuajtën jo pak. Golin e sigurisë Juventusi e gjeti vetëm në minutën e parë shtesë me Milik. Lajm i keq për Alegrin është dëmtimi i Sheznit.
Lacio dhe Napoli janë ndalur në barazim në javën e 4-t. Lacio kryesonte 0-1 në fushën e Sampdorias deri në fund, kur u barazua nga Gabiadini. I papritur ishte barazimi 1-1 i Napolit në fushën e tij me Leçen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
