.png)
Më 18 gusht, gjigandi i pagesave digjitale VISA shpenzoi 150.000 dollarë për të blerë një vepër unike të artit, duke bërë kështu në heshtje hapin e parë në metaverse, një botë që po lind në internet që premton të kthejë internetin në një realitet virtual.
Në vend të kanavacës ose mermerit, vepra e pikseluar e artit, e quajtur CryptoPunk 7610, është ajo që njihet si një shenjë jo e kompozueshme, NFT, (non-fungible token), një pasuri digjitale unike e cila, ngjan me Bitcoin, tregon vërtetësinë, pronësinë dhe origjinën e çdo objekti digjital të shkruar në një blockchain. Një nga 10.000 imazhet 24x24 pixel të koleksionit CryptoPunk, të krijuara në mënyrë algoritmike, NFT-ja e parë e VISA-s është një karakter femëror, sy të mëdhenj jeshilë dhe buzëkuq të kuq.
Sidoqoftë, kompania në fakt nuk e mbajti vlerën e 49.5 Ethereum, të paguar për NFT. Në vend të kësaj, banka e sapo licencuar, Anchorage, ka ndihmuar në lehtësimin e marrëveshjes dhe mund ë bëhet banka e parë e njohur amerikane që ka ruajtur një nga këto pasuri të reja.
Ndërsa rritet numri i njerëzve të interesuar mbi kriptot dhe të gjitha llojet e përvojave virtuale, aseteve digjitale, po hapet një shteg i ri për llojet e shërbimeve të bankave.
"Ne mendojmë se NFT -të do të luajnë një rol vërtet të rëndësishëm në të ardhmen e shitjeve me pakicë dhe mediave sociale, argëtimit dhe tregtisë," thotë Cuy Sheffield, kreu i kriptove në Visa, i cili është një koleksionist i zjarrtë i NFT-së vetë.
"Kështu që ne donim të kuptonim se çfarë duhet për të fituar, ruajtur dhe bashkëvepruar me një NFT. Ne kemi punuar me Anchorage për ta bërë këtë në mënyrë që të krijojmë një mënyrë për të ndihmuar klientët të lundrojnë në këtë hapësirë."
Anchorage ruajti NFT-në e blerë në kasafortën digjitale të VISA.
"Në vend të një banke tradicionale me një kasafortë të vërtetë pas dyerve shumë të rënda, ajo ruhet pas një dere digjitale të verbër, e cila është siguria që garanton Anchorage," shpjegon Diogo Monica, bashkëthemelues dhe president i Anchorage Digital.
Ndërsa banka nuk ishte e detyruar të kalonte një proces të plotë të KYC (njihni klientin tuaj) për të verifikuar shitësin, Anchorage u sigurua që ta bënte ende atë kontroll, gjë që do të nxiste dhe kompanitë apo bankat e tjera të marrin pjesë.
Nëse tregtarët metaverse janë të detyruar të transformojnë ekonominë, VISA e sheh veten si motori i atij revolucioni.
"Ne parashikojmë se mund të ketë një të ardhme ku adresa juaj e kriptos të bëhet po aq e rëndësishme sa adresa juaj postare,"-thotë Sheffield.
"Në të njëjtën mënyrë që Visa ka kontribuuar në ndryshimet e tregtisë më parë, ne jemi vërtet të ngazëllyer për të ndihmuar në nxitjen e këtij ndryshimi të ri të tregtisë në të ardhmen."
Kompania gjithashtu planifikon të blejë më shumë NFT. Bota virtuale e metaverse po krijon tashmë tregje dhe mundësi shumë miliardë dollarëshe.
Koleksionet NFT blu-chip si CryptoPunks, me një vëllim shitjesh prej 752 milion dollarë, ose 661 milion dollarë NBA Top Shot, janë rritur në vlerë këtë vit. Lojërat që luhen për të fituar, siç është Axie Infinity, po rriten falë pjesës së madhe të përdoruesve që kërkojnë burime alternative të të ardhurave, veçanërisht në vendet e goditura rëndë nga pandemia.
Në fillim të këtij muaji, Axie u bë loja e parë NFT që arriti 1 miliard dollarë në shitje. Ka kaq shumë para të përfshira saqë disa ekspertë kanë frikë se NFT-të mund të bëhen një mundësi e madhe për aktorët e angazhuar në aktivitete të paligjshme të tilla si pastrimi i parave. Megjithatë, me interesin që po tregojnë dhe kompanitë e teknologjisë si Facebook, duket se metaverse është gati për një rrije të mëtejshme.
Për këtë qëllim, së bashku me njoftimin për blerjen e CryptoPunk, Visa ka botuar gjithashtu një letër të bardhë NFT, me qëllim që të ndihmojë markat dhe bizneset të kuptojnë më mirë NFT-të dhe potencialin e tyre.
"Ky është vetëm fillimi i punës sonë në këtë fushë," thotë Sheffield.
"Ne jemi vërtet të ngazëllyer për të parë se çfarë ndërtojnë zhvilluesit dhe si mund t'i ndihmojmë tregtarët, markat dhe platformat të lidhen dhe të ndërveprojnë me tregtinë NFT."
Burimi: Forbes/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
