.png)
Si pasojë e kalimit të një fronti të ftohtë atmosferik nga Jugu i Italisë drejt Shqipërisë, vendi do jetë nën mbizotërim të vranësirave të cilat herë pas here do të zhvillohen duke gjeneruar reshje shiu në bregdet dhe zonat e ulëta si edhe reshje të pakta dëbore në zonat malore.
Herë pas here priten intervale të shkurta me kthjellime, kryesisht ne vijën bregdetare.
Parashikohet që orët e pasdites dhe mbrëmjes të mbeten me vranësira dhe reshje të pakta shiu e dëbore në zonat e thella malore.
Përsa i përket temperaturave të ajrit, do të pësojnë rënie të lehtë në orët e mëngjesit, por rriten temperaturat në orët e mesditës duke luhatur vlerat ditore -1°C deri në 20°C vlera më e lartë në rang vendi.
Era do të fryjë mesatare gjatë paradites, por herë pas-here e fortë në mbrëmje duke arritur shpejtësinë maksimale 50 km/h nga drejtimi veriperëndimor; kjo do të bëjë që në brigjet detare të gjenerohet dallgëzim 4 ballë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
