Gazeta Si - Një magazinë e përshtatur për kultivim të bimëve narkotike, me anë të llambave është zbuluar në Shodër në fshatin Beltojë.
Policia thotë se 35-vjeçari Altin Palushi është arrestuar në flagrancë, ku i janë sekuestruar si provë materiale edhe 2 armë zjarri me silenciator (kallashnikov dhe pistoletë).
Po ashtu, policia gjeti dhe sekuestroi fara kanabisi që do të kultivoheshin në ambientin e përshtatur me llamba.
Në cilësinë e provës materiale u sekuestruan 35 llamba dhe pajisje të tjera elektrike që përdoren për këtë aktivitet kriminal.
“Një ditë më parë u finalizua faza e 8-të e këtij megaoperacioni, si rezultat i së cilës u sekuestruan 2 armë zjarri, 2 radio policie, 3 mina me telekomandë, një bllokues valësh, 1.6 kg eksploziv C4, 2 armë gjahu, 1 armë sportive e municion luftarak. 2 shtetas u vunë në pranga, 1 u shpall në kërkim, ndërsa 2 të tjerë po procedohen penalisht”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.