Goli që shënoi në ndeshjen e fundit me Betisin ishte “qershia mbi tortë” për Ivan Balliun, lojtarin e Kombëatres që po zhvillon një sezon të shkëlqyer me Rajo Valekanon në La Liga. Vlerësimet për të nuk mungojnë, si nga shtypi, ashtu edhe nga tifozët.
Balliu është zgjedhur nga tifozët e Rajo Valekanos si lojtari më i mirë për muajin dhjetor. Falë votave të fansave në kanalet e klubit në rrjetet sociale, mbrojtësi kuqezi ka lënë pas gjithë të tjerët. Tifozët kanë vlerësuar nivelin konstant të Balliut gjatë ndeshjeve të këtij kampionati, ku ai është titullar i padiskutueshëm.
🎥⚡ @ivan_balliu: "El partido ante el @GironaFC será muy duro, pero intentaremos pasar y estar entre los mejores".#JugadorCincoEstrellas pic.twitter.com/DE2wZbGn4B
— Rayo Vallecano (@RayoVallecano) January 13, 2022
Vetë Balliu ka folur për faqen zyrtare të Rajos, duke falënderuar të gjithë ata që e kanë votuar dhe me modesti ka deklaruar se çmimi i takon gjithë skuadrës dhe jo vetëm atij.
Me këtë formë që po kalon Balliu, trajneri i Kombëtares Edi Reja duhet t’i bëjë llogaritë ndryshe për eliminatoret e radhës, ku përvoja e mbrojtësit të Rajo Valekanos do të ishte shumë e vlefshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.