.png)
Pak ditë më parë “UEFA EURO 2020” postoi në faqen e saj në Facebook foton e një fansi shqiptar, i cili kishte pikturuar shqiponjën dykrenare në fytyrë, ndërsa sot ka postuar një video të golit të Rei Manajt ndaj Bjellorusisë, ku Shqipëria fitoi 3-2 dhe siguroi vendin e parë në grup në Ligën e Kombeve.
“Tight angle? No problem” (Kënd i ngushtë? Nuk ka problem”, - ishte pyetja që shoqëronte këtë video, ku UEFA i bën një lloj reklame golit të sulmuesit kuqezi, i cili shënoi në një kënd vërtet të vështirë në fundin e pjesës së parë të ndeshjes së luajtur më 18 nëntor, në “Air Albania Stadium”.
Goli i Manajt ishte ai që i dha qetësi skuadrës sonë gjatë pjesës së dytë të ndeshjes, me përjashtim të 10 minutave të fundit, kur bjellorusët ngushtuan në 3-2. Trajneri Reja mendon se Cikalleshi-Manaj është dyshja adapte për sulmin kuqezi. Dhe shifrat i kanë dhënë të drejtë, sepse këta sulmues realizuan 5 gola në 2 ndeshjet e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
