.png)
Gazeta Si - Dy të ashtuquajtura “shtëpi bari”, që përdoreshin për kultivimin e lëndëve narkotike, janë zbuluar në Tropojë dhe Kashar.
Në Tropojë policia zbuloi një dhomë brenda një banese të përshtatur për kultivimin e kanabisit me anë të llambave, ku kishte lidhje të paligjshme të energjisë elektrike.
Por në momentin e ndërhyrjes, policia nuk ka gjetur asnjë njeri në shtëpi.
Ndërkohë, pronari i banesës, 43-vjeçari me iniciale Sh.S., banues në Valbonë është shpallur në kërkim nga policia.
Elektricisti i zonës, 59-vjeçari me iniciale Q.B., është proceduar në gjendje të lirë për veprën penale “Shpërdorimi i detyrës”.
Janë sekuestruar një sasi lënde e dyshuar narkotike kanabis, fidanë narkotikë, llamba dhe pajisje të ndryshme elektrike, që shërbejnë për kultivimin e bimëve narkotike në ambiente të mbyllura.
Tashmë 43-vjeçari akuzohet për veprat penale “Kultivimi i bimëve narkotike” , “Prodhimi dhe shitja e narkotikëve” dhe “Vjedhja e energjisë elektrike”.
Ndërsa në zonën “Kashar 2”, policia e Tiranës ka zbuluar një ambient që ishte përshtatur për kultivimin e bimëve narkotike me anë të llambave.
Policia njofton se janë shoqëruar disa persona dhe po vijojnë veprimet nga Komisariati i Policisë Nr. 6.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
