Kryeministri Edi Rama në një video me anë të Facebook me anë të një video po paralajmëron njerëzit që mos dalin nëpër zona publike dhe në zonat e Liqenit si në Shkodër dhe në Tiranë. Por jo vetëm kaq do të ndalohet dalje edhe në zonat e tjera publike. Kryeministri postoi videon e radhës nga shtëpia si për të dhënë shembullin se po zbaton vetë i pari marrjen e masave parandaluese.
"Jemi me fat që kemi këtë kohë të mirë dhe të ngrohtë, mund t'i mbajmë dritaret hapur gjatë gjithë ditës për ajrosjen e shtëpisë dhe të fikim ajrin e kondicionuar që është një armik në këtë luftë. Por kjo nuk do të thotë të dalim xhiro familjarisht siç ka ndodhur dje dhe sot në Liqenin e Tiranës ku vërtetë nuk kishim shumë njerëz si zakonisht në një mot të tillë, por mjaftueshëm për të cënuar rregullat e mbrojtjes individuale. Apo buzë liqenit të Shkodrës ku mbrëmë ishte sikur jemi në një kohë pushimesh dhe jo në kohë lufte. Nuk kemi kohë për të vazhduar me sensibilizimet sepse çdo orë është kritike për forcimin e vijave të mbrojtjes individuale dhe kolektive. Prandaj do të ndalojmë menjëherë frekuentimet në zonën e parkut të liqenit në Tiranë dhe në të gjitha zonat rekreative në çdo qytet brenda perimetrit të ri të blinduar", tha Rama.
Ai bëri të ditur se më e keqja nuk ardhur akoma dhe kjo jo për të frikësuar shqiptarët për zbatuar rregullat e ashpra të vetizolimit, por e ndjen si një detyrë, pasi nëse nuk e ngadalësojmë numri i atyre që do të bëhen për spital do të jetë shumë më i madh se numri i shtretërve që do të bëhet për t'i hospitalizuar.
"Dhe këtë problem e kanë të gjitha vendet. Sistemi ekselend i Lombardisë ra në kolaps. Masat shtrenguese që do marrim na japin kohë teksa bota po kërkon papushim ilaçin dhe temperaturat e motit do të rriten gjë që pritet ta dobësojë forcën goditëse. Javën e ardhshme do të kemi më shumë të infektuar se këtë javë, dhe në javën tjetër pas kësaj ende më shumë, asnjë panik se kësaj nuk i shmanget dot askush. Është kurba e përhapjes. Kjo jeta e re që sapo ka nisur nuk është si stërvitjet ushtarake në kohën e zborit që na zgjonim në mëngjes me alarm fals unë andej e kam bërë zborin nga kondrat e Mamurrasit për të rrëzuar avionët me pushkë model 56 sulmet ndaj armikut. Kjo është luftë e vërtetë me armik të vërtetë që ka sulmuar mbarë njerëzimit. Durim, durim, durim. Dhe meqë po rrimë në shtëpi të gjithë, unë po bëj ushtrime frymëarrje joga dhe ushtrim dy vakte në 8 orë, në 16 orë agjërim, është super për trupin dhe mendjen. Kush të dojë le ta provojë dhe do të më japë të drejtë. Sa më shumë të durosh aq më pak viktima do të dëgjosh për javë dhe larg qoftë përditë ", tha Rama.
Ai shton se në javët e ardhshme do të kemi më të infektuar se një javë më parë dhe në javën akoma më shumë. "Në javën e tretë në kapërcyellin mes prillit dhe marsit ne do të shohim se ku është armiku dhe ku jemi ne. Numri i viktimave varet se çfarë do të bëjne me këtë betejë", thekson kryeministri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.