Për ndeshjen e javës së 17-të të kampionatit rus, lojtarët e Zenitit të Shën Pjetërburgut, që prisnin ekipin e Rostovit në shtëpi, zbritën në fushë me këlyshë qensh në duar. Ky veprim, sigurisht është bërë për arsye sensibilizimi, për t’i inkurajuar njerëzit të adoptojnë kafshët e braktisura.
Të gjithë qentë që futbollistët e Zenitit mbanin në duar, teksa iu drejtuan qendrës së fushës, janë në kërkim të një shtëpie dhe të një familjeje, që mund t’i ushqejë dhe të kujdeset për ta.
Zenit's players carried dogs from local shelters in need of homes onto the pitch today. 🥺
— Football Tweet ⚽ (@Football__Tweet) December 3, 2021
🎥 @zenit_spbpic.twitter.com/gLCUEz8lQJ
Është një iniciativë që nuk ndodh për herë të parë në futboll, në fakt. Ka ndodhur edhe në kampionatin elitar në Rumani, ku në javën e parë iu dha e njëjta mundësi qenve të braktisur, pas eventit “Fill the gap in your life”.
Pamjet me lojtarët e Zenitit, të gjithë me qen në duar, u bënë menjëherë virale në rrjetet sociale, ku vlerësimet për këtë impenjim ishin të mëdha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.