.png)
Gazeta Si – Kuqezinjtë janë gati për dy sfidat e radhës. Në një video të publikuar nga FSHF, disa nga lojtarët e Kombëtares kanë folur për gjendjen e skuadrës në prag të ndeshjes me Çekinë dhe Poloninë.
Odise Roshi është më optimisti. Fieraku i rikthyer në Kombëtare shprehet se ndihet si 19 vjeç dhe se Shqipëria do të shkojë me 100% në Europianin 2024. Ernest Muçi shpreson të ndihmojë ekipin me ndonjë gol apo asist që të marrë pikët e nevojshme për kualifikim.
Pak më të përmbajtur Tomas Strakosha, Etrit Berisha dhe Elseid Hysaj, që kanë edhe më shumë eksperiencë. Ata shpresojnë shumë që Shqipëria të bëjë dy ndeshje të mira, ndërkohë që vlerësojnë motivimin e gjithë grupit para këtyre 180 minutave shumë të rëndësishme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
