Një mesazh sensibilizues për situatën që po kalojmë për shkak të pandemisë nga Koronavirusi vjen nga futbollistët e Kombëtares. Disa prej tyre, konkretisht Mërgim Mavraj, Armando Sadiku, Keidi Bare, Kristi Qose dhe Hysen Memolla, të cilët luajnë jashtë vendit, u drejtohen gjithë shqiptarëve me këshillën për të qëndruar në shtëpi dhe për të mbrojtur shëndetin e tyre dhe të të tjerëve.
Edhe futbollistët e Kombëtares janë izoluar në shtëpitë e tyre, pasi të gjitha aktivitetet futbollistike janë pezulluar në këtë moment nga rreziku i infektimit me virusin COVID-19.
Para lojtarëve aktualë të ekipit kuqezi, kanë dhënë një mesazh edhe dy ish-kapitenët Lorik Cana dhe Igli Tare. Mesazhet e tyre këshilluese mund të ndikojnë sadopak që të gjithë shqiptarët ta marrin shumë seriozisht situatën aktuale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.