.png)
Gzeta Si - Mesfushori i Kombëtares, Keedi Bare, ka shnëuar sot për ekipin e Espanjolit, që u mund thellë 5-1 në fushën e Vilerrealit për javën e 26-të të La Ligës. Goli i futbollistit kuqezi ishte i vetmi ngushëllim për skuadrën e Espanjolit, që nuk po arrin të dalë nga kriza e rezultateve në kampionat.
Bare e nisi ndeshjen nga minuta e parë, duke u pozicionuar i vetëm para mbrojtjes, pasi trajneri Moreno zgjodhi rreshtimin 4-1-4-1. Ai realizoi golin e nderit në minutën e 65-të, ndërkohë që Vilarreali kishte shënuar më parë 4 herë me të njëjtin lojtar, Pino.
Edhe pse ka vetëm vlera statistikore, goli është një kënaqësi personale për Baren. Ai shënoi nga afër portës, në një pozicion diagonal, në zhvillimet e një goditjeje këndi. Futbollisti fierak gëzon një formë të mirë për momentin dhe tek Espanjoli është aktivizuar titullar kohët e fundit.
Bare dallohet për shipirtin luftarak në fushë dhe trajneri e vlerëson shumë për këtë element. Espanjoli mban vendin e 14-të në La Liga, me 29 pikë të grumbulluara në 26 ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
