Atleti i kërcimit së gjati, Izmir Smajlaj, ka thyer sot rekordin kombëtar që e mbante po vetë. Në aktivitetit “Dita e Kërcimeve”, i zhvilluar sot pasdite te kodrat e Liqenit Artificial, atleti shkodran ka arritur një rezultat fantastik.
Smajlaj ka kërcyer 8.16 metra dhe ky është një rekord i ri kombëtar. Më parë ai kishte kërcyer 8.11 metra. Shkodrani gëzon një formë shumë të mirë sportive dhe objekitivi i tij është që në Olimpiadën e Tokios të ngjitet në pod për t’i sjellë medalje Shqipërisë.
“Emocion, nder dhe krenari! Rekord i ri kombëtar dhe personal 8.16 m për herë të parë në pistën më të re të kërcimeve në Tiranë! Falënderime pa fund për familjen time, trajnerin tim Gjergj Ruli, miqtë e mi që ishin prezentë, si dhe mbështetesit sportivë që nuk mungojnë kurrë”, - shkruan Smajlja në faqen e tij në Facebook, ku poston edhe videon e kërcimit të rekordit të sotëm.
Rezultati i sotëm e motivon edhe më shumë sportistin për të vendosur rekorde të reja kombëtare në të ardhmen dhe pse jo për të lënë shenjë edhe në aktivitetet ndërkombëtare e veçanërisht në Lojërat Olimpike të Tokios.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.