Gazeta Si - Dy të rinj, të cilët dyshohet se kanë grabitur me dhunë një shumë parash në një pikë karburanti në Selitë, janë arrestuar në Tiranë.
Policia njofton se për ngjarjen e ndodhur në 9 dhjetor, rreth orës 01:40, ka vënë në pranga konkretisht 22-vjeçarin Aleksandro Lazaj dhe 21-vjeçarin Kristjan Lazaj.
Siç duket dhe nga pamjet, të rinjtë në bashkëpunim me njëri-tjetrin janë afruar tek karburanti në Selitë dhe 22-vjeçari Aleksandro Lazaj ka zbritur nga makina.
Nga ana tjetër, 21-vjeçari Kristjan Lazaj është afruar për të furnizuar automjetin me karburant, ndërsa tjetri ka vjedhur xhiron ditore, duke ushtruar dhunë ndaj punonjësit të karburantit.
Policia ka sekuestruar një thikë, përforcues grushti, veshjet dhe automjeti që të rinjtë kanë përdorur për të kryer krimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.