.png)
Historia e futbollit është e mbushur me sfida brenda familjes. Kryesisht ndodh që djali në fushë të vihet përballë babait të tij në stol, në rolin e trajnerit. Një episod vërtet i rrallë vjen nga Venezuela, ku protagonist është sulmuesi 36-vjeçar Xhankarlo Maldonado, lojtar i Deportivo Takira.
Një gol i tij në kohën shtesë i ka dhënë barazimin skuadrës së tij në ndeshjen ndaj Akademia Puerto Kabelo, që drejtohet nga babai i sulmuesit, Karlos. Në momentin e shënimit të golit, Maldonado nuk festoi dhe më pas shpërtheu në lot, sepse goli i tij i mohoi “play-off”-in babait, skuadra e të cilit duhej të fitonte patjetër për ta mbyllur në 8-shen e parë të klasifikimit.
Gjithsesi, babai i bëri elozhe djalit për profesionalizmin e treguar: "Jam krenar më shumë se kurrë për djalin tim. Në një vend ku vlerat kanë humbur, Xhankarlo tregoi besnikëri ndaj ngjyrave që mbron dhe respekt për futbollin”, - tha babai i sulmuesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
