.png)
Shqipëria në futboll për femra ka arritur sot një fitore të thellë ndaj Armenisë, 5-0. Vajzat kuqezi kanë regjistruar kështu fitoren më të thellë në histori në ndeshjet kualifikuese. Ky sukses e ngjit skuadrën e drejtuar nga Armir Grima në kuotën e 4 pikëve në grup, pasi më parë Kombëtarja e femrave ka barazuar me Kosovën dhe është mundur thellë nga Belgjika.
Megi Doçi hapi serinë e golave në “Air Albania” që në minutën e 12-të, kur një top i krosuar nga një goditje dënimi nuk u devijua nga skush dhe përfundoi në rrjetë. Hamidi pas pak minutash shënoi golin e dytë dhe pastaj Doçi shënoi edhe golin e tretë dhe të dytin personal.
Në pjesën e dytë shënoi sërish Hamidi dhe në fund Lufo vulosi rezultatin në 5-0. Pas kësaj fitoreje, Shqipëria mban vendin e 4-t në Grupin F, që udhëhiqet nga Norvegjia. Në tri ndeshjet e para, vajzat kuqezi i kanë provuar të tre rezultatet, humbje barazim dhe fitore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
