Pogradecari Endri Çekiçi ishte protagonist mbrëmjen e djeshme në Turqi, me 2 gola të shënuar në barazimin 2-2 të Koniasporit ndaj Trabzansporit të vendit të dytë.
Mesfushori i Kombëtares barazoi rezultatin në minutën e 20-të me një veprim shumë të bukur teknik, një gjysmë roveshiatë, ndërsa në fillim të pjesës së dytë e kaloi Koniasporin në avantazh me një goditje të saktë në zonë. Ishte një paraqitje shumë e mirë e Çekiçit, i cili i ka rrëmbyer skenën sulmuesit kuqezi, Sokol Cikalleshit. Ky i fundit u zëvendësua në pjesën e dytë.
Ky ishte goli i tretë në kampionat për Çekiçin, që gëzon një formë shumë të mirë sportive në prag të ndeshjet të tetorit të Kombëtares. Koniaspori ka 12 pikë pas 6 javësh kampionat dhe nuk ka pësuar asnjë humbje deri tani. Si Çekiçi, ashtu edhe Cikalleshi, kanë qenë protagonistë deri tani me skuadrën turke.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.