.png)
Një gol i shënuar nga Eni Imami në minutat e fundit i ka dhënë fitoren Dinamos në stadiumin “Elbasan Arena”, ku ka mundur Kukësin e vendit të dytë. Një fitore shumë e rëndësishme për kryeqytetasit, të cilët i bëjnë kështu një nisje pozitive 2022-shit.
Ndeshja ishte thuajse e barabartë, me një dominim të lehtë të Dinamos në pjesën e parë, por me pak raste për shënim. Kur dukej se gjithçka do të mbyllej në barazim, Imami ka shfrytëzuar një top në zonën kuksiane dhe ka mposhtur portierin Tafas nga një pozicion diagonal.
Më pas portieri Simoni ka shpëtuar Dinamon nga goli i barazimit, duke devijuar një gjuajtje me kokë. Kukësi mbetet në kuotën e 28 pikëve, kurse Dinamo fillon ngjitjen, duke shkuar në kuotën e 18 pikëve dhe tashmë e pret derbin me Tiranën me një moral më të lartë. Përveç bluve, sot ka “festuar” edhe Tirana, pasi është ndalur rivali i saj direkt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
