.png)
Gazeta Si - Reshje të dendura dhe të pazakonta shiu, por edhe breshëri kanë përfshirë disa zona të juglindje dhe verilindje të vendit.
Në zonën e Maliqit, mesditën e kësaj të shtune, breshëri ka qenë në formë shumë intesive, çka pritet të sjellë dëme të konsiderueshme në bujqësi, kryesisht në grur dhe frutikulturë si rrushi.
E njëjta panoramë është parë edhe në Kukës, kryesisht në zonat malore në lindje të tij Shishtavec, Topojan e Zapod.
Një pjesë e mirë e kulturave bujqësore dhe drurët frutorë kanë pësuar dëme të konsiderueshme. Dëmet më të shumta nga breshëri në madhësinë e një arre, u shkaktuan në parcelat e mbjella me patate.
Edhe Fushë Arrëzi u pushtua pasditen e djeshme nga breshëri, i cili nuk kurseu të mbjellat.
Në Fierzë, në fshatrat Aprrip Guri, Bugjon dhe në fshatin Iballë, si pasojë e stihisë është shkatërruar bujqësia dhe bletaria.
Dëme të konsiderueshme janë bërë në çatitë e banesave dhe në shkatërrimin e të gjitha makinave që posedojnë këta banorë duke iu thyer xhamat.
Reshje e stuhi të tilla nuk ishin parë në këtë zonë, e për fat të keq kanë përkuar me kulmin e punëve në bujqësi, kur pritej një prodhim i mirë bujqësor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
