Sulmuesi i Shqipërisë dhe Sturm Grazit, Bekim Balaj i është rikthyer formës të tij optimale. 29-vjeçari nga Shkodra, shënoi 3 gola në ndeshjen e raundit të 1/32-ave të Kupës së Austrisë ndaj Insbrukut, në fitoren 8-0 që skuadra e tij arriti në shtëpi.
Shkodrani hapi serinë e golave për ekipin e tij që në minutën e katërt. Por në 29’, Balaj do të shënonte edhe golin e dytë personal dhe të katërtin për ekipin. Në minutën e 86-të Balaj shënon edhe golin e tretë, duke bërë një mbyllje fantastike.
Me fitoren e sotme, skuadra e bomberit shqiptar, siguroi kalimin në raundin tjetër të Kupës së Austrisë. Një nisje spektakolare sezoni e sulmuesit shkodran, duke i dhënë një sinjal të qartë trajnerit Reja për ndeshjet e Ligës së Kombeve ndaj Bjellorusisë dhe Lituanisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.