Nedim Bajrami ka shënuar edhe sot në Serinë A, duke u ngjitur kështu në kuotën e 6 golave. Futbollisti kuqezi realizoi në ndeshjen ndaj Romës, ku Empoli humbi 2-4, kështu që goli vlen vetëm për statistika personale.
Ishte një ndeshje shumë e dobët për Empolin, që në fund të pjesës së parë mundej 0-4 nga Roma. Reagimi erdhi në pjesën e dytë me 2 gola që vetëm sa shkurtuan diferencën në 2-4. Bajrami shënoi në minutën e 72-të me një gjuajtje me të djathtën, i ndihmuar edhe nga një devijim.
Bajrami dhe Ismajli e nisën ndeshjen si titullarë tek Empoli, ndërsa te Roma nuk pati asnjë minutë për Kumbullën, i cili u kursye këtë herë nga trjneri Mourinjo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.