.png)
Gazeta Si - KPK ka shkarkuar nga detyra gjyqtarin e Tiranës, Altin Abdiu, djali i ish-kreut të Gjykatës së Lartë, Fehmi Abdiut.
Komisioni i Vettingut bën të ditur se rezulton se Abdiu nuk kishte burime për justifikim të pasurisë.
Një seancë më parë Gjyqtari i Gjykatës së Tiranës, Altin Abdiu u përball me barrën e provës dhe pyetje për transaksionet e pasurive ku rezultonte bashkëpronar me familjarët, si dhe me mungesë burimesh për krijimin e një pjese të tyre.
Abdiu u mbrojt me argumentin se veprimet për pasuritë e paluajtshme janë kryer nga prindërit, si dhe janë krijuar prej tyre. Subjekti i kundërshtoi edhe balancat negative për blerjen e një makine dhe krijimin e dy depozitave.
Gjyqtari Altin Abdiu ka një karrierë të gjatë në sistemin e drejtësisë. Prej vitit 1995 ai shërben si gjyqtar në Gjykatën e Rrethit Gjyqësor Tiranë.
Ai është i biri i Fehmi Abdiut, i zgjedhur që nga viti 1998 në funksionin e gjyqtarit të Gjykatës Kushtetuese, të cilin e mbajti deri në vitin 2004.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
