.png)
Java e 5-të e Serisë A nuk ishte shumë pozitive për futbollistët e Kombëtares. Vetëm Elseid Hysaj dhe Berat Gjimshiti kanë luajtur nga 90 minuta me skuadrat e tyre, Lacion dhe Atalantën. Janë dy nga lojtarët me më shumë përvojë edhe në Kombëtaren kuqezi, që në tetor luan ndeshje shumë të rëndësishme me Hungarinë dhe Poloninë.
Në sfidën Torino-Lacio, që përfundoi në barazim, 1-1, Hysaj ishte i vetmi kuqezi në fushë. Portierët e Kombëtares, Etrit Berisha i Torinos dhe Tomas Strakosha i Lacios vazhdojnë të qëndrojnë në stol dhe ky është një problem për trajnerin Reja. Torino-Lacio ishte edhe një sfidë kosovarësh, por vetëm Muriqi u aktivizua si zëvendësues dhe arriti të fitonte penalltinë që i dha barazimin skuadrës së tij. Vojvoda nuk luajti asnjë minutë.
Periudha e vështirë vazhdon edhe për Marash Kumbullën, i cili jo vetëm që nuk preferohet titullar nga Mourinjo, nuk as si zëvendësues. Në ndeshjen e sotme me Udinezen, ku Roma fitoi 1-0, mbrojtësi kuqezi nuk u aktivizua asnjë minutë nga trajneri portugez. Nga stoli e nisën këtë javë edhe dyshja e Empolit, Ismajli-Bajrami, por të paktën hynë në fushë pjesën e dytë, kur debutoi edhe talenti Kristjan Asllani.
Kryesimin e Serisë A ndërkohë e ka marrë sërish Napoli i Spaletit, që mundi 0-4 Sampdorian, duke regjistruar fitoren e 5-të radhazi në po kaq ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
