Vëllai i kryebashkiakut të zgjedhur, por të pabetuar i Fredi Belerit që aktualisht ndodhet në burg i akuzuar për blerje votash, Leonard Beleri ka hedhur akuza, ndaj kryeministrit Edi Rama. Në një intervistë për mediat greke, Leonard Beleri u shpreh se Rama i druhet se mashtrimet do të dalin në dritë.
“Qeveria dhe zoti Rama personalisht nuk duan të humbin bashkinë e Himarës sepse do të dalin shumë të vërteta në dritë. Vazhdojnë të bëjnë falsifikime me tokat atje. Falsifikimet janë bërë në nivelin më të lartë dhe fatkeqësisht shumë njerëz duhet të mbrohen nën ombrellën e zotit Rama”, tha Beleri për ERT.
Sipas tij, Jorgo Goro nuk ka dhënë dorëheqjen, por është detyruar nga kryeministri.
“Zoti Goro nuk merr dot frymë nëse nuk merr leje nga zoti Rama”, tha ai.
Duke u ndalur të propozimi i kryeministrit, Leonard Beleri tha se në rast se vëllai i tij nuk betohet, atëherë dikush nga radhët e tij duhet të marrë postin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.