Komisioneri i Zgjerimit Oliver Varhelyi tha se nëse BE has në vështirësi me Maqedoninë e Veriut, do të ecin para me Shqipërinë.
Ky reagim i Komisionerit vjen në një kohë nga problemet që Shkupi po has me Sofjen për çështje të karakterit historik, dhe kjo mund të bëjë që BE të vendosë për mbajtjen e Konferencës së parë Ndërqeveritare vetëm me Shqipërinë.
Duke u kthyer nga udhëtimi i tij në Ballkanin Perëndimor, komisioneri i zgjerimit Oliver Varhelyi tha: nëse BE has në vështirësi me Maqedoninë e Veriut, do të shihet mundësia nëse ata mund të ecin përpara në zgjerimin vetëm me Shqipërinë. Ky mund të jetë një opsion – tha ai.
Kujtojmë se deri më tani vendet e BE kanë mbajtur qëndrimin që Shqipëria dhe Maqedonia e Veriut të vijojnë hapat njëkohësisht në procesin e integrimit në BE.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.