.png)
Shqipëria në futboll për femra ka fituar në Prishtinë ndaj Kosovës, me rezultatin 1-3. Skuadra e drejtuar nga trajneri Armir Grima ka reaguar si duhet pas humbjes së thellë me Norvegjinë, 0-7, duke bërë një ndeshje të mirë në stadiumin “Fadil Vokrri”.
Ishte ndeshja e radhës në kualifikueset e Kupës së Botës dhe tashmë Kombëtarja jonë mban vendin e katërt në grupin e saj, me 7 pikë.
Kristina Maksuti shënoi golin e parë për vajzat kuqezi, pas një pasimi të saktë të Krasniqit. Kapitenja Megi Doçi realizoi golin e dytë në fundin e pjesës së parë, pas një veprimi të bukur teknik. Kosova shkurtoi diferencën me anë të Kaltrina Biqkajt, por në pjesën e dytë Shqipëria shënoi përsëri, këtë herë me Qëndresa Krasniqin.
Duhet theksuar se kjo ndeshje u zhvillua në kushte shumë të vështira atmosferike, në temperatura shumë të ulëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
