.png)
Pa trajnerin Armir Grima, i infektuar nga Covid-19 para një ditë para ndeshjes, Kombëtarja e femrave në futboll ka mundur thellë Qipron, 4-0. Ishte fitorja e dytë në grup dhe po e dyta ndaj Qipros që mban vendin e fundit, kurse Shqipëria vendin e 4-t me 6 pikë. Ndaj këtij kundërshtari, skuadra jonë ka shënuar në total 6 gola dhe nuk ka pësuar asnjë.
Serinë e golave në stadiumin “Loro Boriçi” e hapi Suada Jashari në minutën e 18-të. Tre golat e tjerë u shënuan në 10 minutat e fundit, ku Megi Doçi realizoi me penallti e më pas Luçie Gjini dhe Kristina Maksuti vulosën rezultatin në 4-0. Festa ishte e gjitha për vajzat kuqezi. Edhe niveli i lojës së tyre ishte i kënaqshëm në këtë ndeshje.
Shqipëria nuk ka shanse për kualifikim, pasi përpara saj janë Finlanda, Portugalia dhe Skocia, megjithatë mbetet për t’u vlerësuar progresi që Kombëtarja e femrave në futboll ka bërë së fundi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
