.png)
Gazeta Si – Sulmuesi i Kombëtares, Myrto Uzuni, shënoi sot të dy golat në fitoren 2-0 të Granadës ndaj Andorrës në kampionat. Futbollisti beratas realizoi dy herë brenda 3 minutash, pas pasimeve të Kalehon.
Pas kësaj fitoreje Granda mban vendin e tretë në renditje, me pikë të barabarta me Levanten e vendit të tretë, nga 41. Uzuni kthehet pas dëmtimit dhe menjëherë u shfaq protagonist në fushë me gola. Ai është ngjitur në kuotën e 14 golave në kampionat.
Dhe janë pikërisht këta gola dhe forma e mirë që po kalon këtë sezon që e kanë vënë në vitrinë sulmuesin kuqezi, tashmë i kërkuar nga skuadra të mëdha europiane. Në Spanjë shkruajnë se Uzuni po ndiqet me interes në Turqi dhe në Angli.
Gjithmonë sipas shtypit spanjoll, Gallatasaraji, klubi i madh turk, është vënë pas futbollistit shqiptar. Po ashtu, Lidsi në Premier Ligë po kërkon një sulmues anësor dhe Uzuni është një alternativë për të.
Myrto Uzuni, me këtë ecuri, me siguri në verë do të kalojë në një klub tjetër më të madh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
