Katar 2022

Uruguaji pa fat, dy shtylla i mohojnë fitoren ndaj Koresë së Jugut

Gazeta Si – Barazim pa emocione mes Uruguajit dhe Koresë së Jugut. Dy skuadrat e Grupit H kanë anuluar praktikisht njëra-tjetrën në këtë ndeshje, ku rastet për shënim në portat respektive ishin vërtet të pakta.

Uruguaji nuk pati edhe fat në këtë ndeshje, sespe goditi dy herë shtyllën. Një herë në fundin e pjesës së parë, me mbrojtësin Diego Godin, në zhvillimet e një goditjeje këndi. Shtyllën e dytë e goditi Federiko Valverde në fundin e ndeshjes.

Nga ndeshja Uruguaji-Kore e Jugut, 0-0. Gazeta Si, 24 nentor 2022

Zhgënjim për sulmuesit e kombëtares amerikano-jugore, me emra të mëdhenj si Suarez, Nunjez dhe Kavani, të cilët u bllokuan nga mbrojtja e aziatikëve, e përbërë nga katër Kim. Për Korenë e Jugut një rast të mirë e pati Son, që gjuajti jashtë nga shumë afër portës.


Copyright © Gazeta “Si”


Më Shumë