Komisioneri Publik ka ankimuar vendimin e Komisionit të Pavarur të Kualifikimit (KPK-së) për ndërprerjen e procesit të vettingut për ish-gjyqtarin Ibrahim Hoxha.
Ajo kërkon tërheqjen e vendimit për ndërprerjen e vettingut ndaj ish-gjyqtarit, i dënuar më parë për korrupsion, dhe t'i nënshtrohet sërish këtij procesi.
Ky është rasti i parë që që Operacioni Ndërkombëtar i Monitorimit (ONM) dhe Komisioneri Publik kërkojnë që të bëhet procesi i vettingut pavarësisht se ai është shkarkuar.
KPK ndërpreu procesin e vettingut për ish-gjyqtarin Hoxha më 17 nëntor pasi atij i kishte mbaruar statusi i magjistratit.
Këshilli i Lartë Gjyqësor, në 22 tetor 2020, ka informuar Komisionin e Vetingut, se Hoxha ishte shkarkuar nga ish-KLD-ja në maj të vitit 2017, për shkak se është dënuar me vendim të formës së prerë për kryerjen e një krimi. Në këto kushte, Ibrahim kishte humbur statusin e magjistratit.
Krahas dënimit me burg, prokuroria kërkoi që Hoxha të mos ushtrojë asnjë funksion publik për tre vite, kërkesë e cila u miratua nga gjykata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.