.png)
Sokol Bode, ish-shefi i Postës së Dhërmiut, i arrestuar më 11 korrik pas 5 vitesh arrati do të paraqitet nesër në Gjykatën e Posaçme për t’u njohur me dënimin e dhënë në mungesë ndaj tij.
Ai u arrestua në Berat dhe më tej u transportua në Tiranë. Gazeta "Si" mësoi se Sokol Bode kishte 4 ditë që ishte kthyer nga Britania, ku qëndronte i fshehur pas shpalljes në kërkim dhe dënimit në mungesë për përfshirje në trafik droge.
Në prill të këtij viti, Bode është dënuar me burg për akuzën e “trafikut të narkotikëve” si bashkëpunëtor i grupit të Habilajve.
Bode i hetuar në të njëjtën dosje me ish-ministrin Tahiri dhe ish-drejtuesin e Policisë së Vlorës, Jaeld Çela, ndryshe nga këta të fundit të dënuar për “Shpërdorim detyre”, u gjet fajtor për trafik narkotikësh dhe grup kriminal, si bashkëpunëtor i grupit të ashtuquajtur “Habilajve”.
Një vit më parë, Gjykata e Posaçme dënoi gjithashtu me 37 vite burg në total 5 anëtarë të grupit Habilaj, mes tyre edhe Moisi Habilajn.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
