Rend dhe Ligj

U arrestua kosovarja që u hakërre për vrasjen e gjeneralit iranian

Policia e Kosovës e ka arrestuar  Ikballe Berisha – Hudutin që ditëve të fundit u bë temë në media pasi që doli kundër vrasjes së gjeneralit Iranian Qasem Soleimanit, dhe kritikoi edhe liderët e shtetit që përkrahën sulmin e SHBA-së. Sipas njoftimit të policisë së Kosovës e dyshuara është sjell për tu pyetur në polici dhe me urdhër te prokurorit nga Prokuroria Speciale është dërguar në mbajtje për 48 (dyzet e tetë) orë, deri në vendim tjetër nga Gjykata kompetente”.

Themeluesja e një fondacioni fetar islamik ishte deklaruar kundër Amerikës dhe Izraelit duke thënë se gjenerali i vrarë Iranian nuk do të vdesë kurrë.

“Njerëzit si ti nuk vdesin, por të vdekurit që ecin mbi tokë e që mbajnë gjak krimineli, ata janë të vdekur por vetëm frymojnë për t’u turpëruar vet dhe kombin e vet kriminel”, kishte shkruar Huduti-Berisha.

Ajo ka thënë se hakmarrja ndaj kësaj vrasjeje është obligim

“Zoti i dhasht durimin ngase të mbysësh zotin e shtëpisë i ke mbyt tërë anëtarët e shtëpisë, e pastaj hakmarrja është obligim por nuk ka kufi”, kishte deklaruar ajo

Në bazë të raportit nga policia thuhet se në shtëpinë  e së të dyshuarës janë konfiskuar disa pajisje elektronike si edhe dëshmi të tjera relevante.


Copyright © Gazeta “Si”


Lajme të lidhura

Më Shumë