.png)
Këshilli administrativ i Juventusit, me në krye presidentin Andrea Anjeli, është larguar. Në këshillin e jashtëzakonshëm të klubit bardhezi, numri 1 ka paraqitur dorëheqjen, bashkë me zëvendësin e tij Pavel Nedved, administratorin Mauricio Arrivabene dhe pjesëtarët e tjerë.
Arsyeja kryesore, sipas informacioneve të para, ka të bëjë me kontestimet e ‘Consob’ në lidhje me plusvalencat. Përfshirja në hetimin ‘Prisma’ nga Prokuroria e Torinos, me akuzën e bilancit fals, kanë sjellë një hapa prapa në mënyrë unanime.
Dorëheqja e Anjelit lidhet me zhvillimet e reja të hetimeve të Prokuororisë së Torinos dhe vendimi u është bërë i ditur gjykatësve.
Në 12 vitet e presidencës së Andrea Anjelit, që nisi në maj 2010, Juventusi ka dominuar në Itali, duke fituar 9 tituj radhazi me Konten, Alegrin dhe Sarrin në stol. Ai ka sjellë në Itali kampionë si Pogba, Tevez dhe Kristiano Ronaldo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
