.png)
Aksionet shënuan humbje sot (të mërkurën) pasi Irani nisi më shumë se një duzinë me raketa balistike në dy baza ushtarake irakiane që strehojnë forcat amerikane.
Tregjet aziatike u zhytën ndjeshëm, ndërsa investitorët patën reagimin e parë ndaj lajmit të sulmeve, por më vonë rikuperuan nga terreni i humbur duke u kërrusur në aksionet e tyre të sigurta ( safe havens ).
Nikkei i Japonisë (N225) e mbylli ditën me 1.2%, ndërsa Hang Seng (HSI) i Hong Kong-ut ra me 1%. Shanghai Composite i Kinës (SHCOMP) humbi me 1.2%.
Tregjet kryesore në Europë u çelën me tregues negativë. DAX (DAX) i Gjermanisë ra me 0.5% dhe FTSE 100 i Londrës (UKX) zbriti me 0.4%.
Doë (INDU) ishte rreth 110 pikë më poshtë, ose 0.4%, duke u rikuperuar nga një humbje prej më shumë se 400 pikësh nga situata e më parshme. S&P 500 (SPX) dhe Nasdaq (COMP) ranë 0,3%.
Aksionet e sigurta ishin më të forta, megjithëse vinin nga nivele të mëparshme më të larta.
Jeni japonez u rrit me 0.1% duke u këmbyer në kuotën e 108,44 jen për një dollar amerikan.
Ari i tejkaloi 1600 dollarë për ons para se të tërhiqej.
Rimëkëmbja tregon se tregu "po e merr veten me të mirë" në mungesën e hakmarrjes së menjëhershme nga ushtria amerikane, tha Stephen Innes, shefi strategjik i tregut të Azisë në AxiTrader.
Sulmet e të mërkurës ishin reagimi i Iranit ndaj vrasjes së SHBA-ve javën e kaluar të gjeneralit të lartë iranian Qasem Soleimani - një nga njerëzit më të fuqishëm të vendit - në Bagdad. Irani e kishte quajtur atë sulm një "akt lufte" dhe "terrorizëm shtetëror" dhe u zotua për një përgjigje.
Një analist tjetër paralajmëroi se ende mund të ketë pasoja që mund të ndikojnë në furnizimin me naftë, fluturimet dhe madje edhe marrëveshjen tregtare SHBA-Kinë.
Një mbyllje e mundshme e ngushticës së Hormuzit, për shembull, do të "ndalojë" furnizimet me naftë nga Lindja e Mesme, tha Jeffrey Halley, analist i lartë i tregut Oanda për Azinë e Paqësorit.
Kanali është mënyra e vetme për të transferuar naftë nga Gjiri Persik në oqeanet e botës. Sulmet vitin e kaluar në Gjirin e Omanit të afërt shkaktuan një rritje të përkohshme të çmimeve të naftës.
Çmimet e naftës u rritën thekshëm të mërkurën para mbylljes së bursave. Çmimi i naftës së papërpunuar amerikane u rrit me 0.4% në rreth 62,90 dollarë për fuçi. Nafta Brent, , përparoi me 0.4% në 69.64 dollarë për fuçi.
Halley gjithashtu theksoi se trafiku i linjës ajrore mund të prishet nëse tensionet përshkallëzohen.
"Stoqet e linjës ajrore do të jenë jashtë favorit sot për shkak të naftës, por kjo nuk do të jetë e gjithë histori," shtoi ai.
Për më tepër, ai sugjeroi që nënshkrimi i marrëveshjes fillestare tregtare SHBA-Kinë mund të vonohej. Presidenti amerikan Donald Trump tha muajin e kaluar se do ta nënshkruante atë marrëveshje më 15 janar në Uashington./CNNbusiness/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
