Gazeta Si – Shqipëria ndeshet me Çekinë e vendit të parë në grup më 7 shtator. Një ndeshje shumë e rëndësishme kjo për kualifikueset e Euro 2024, ashtu si dhe ajo me Poloninë në Tiranë.
Trajneri i Çekisë, Jaroslav Silhavi, ka folur me vlerësim maksimal për Kombëtaren shqiptare, duke theksuar për mediat në vendin e tij se jo rastësisht mban vendin e dytë.
“Kjo me Shqipërinë është një ndeshje kyçe për kualifikimin në Europian. Të gjithë e dimë se për çfarë po luajmë. Shqipëria ka një ekip shumë të fortë dhe këtë e tregon fakti se është pas nesh në klasifikim, në vend të dytë. Me mbështetjen e tifozëve do ta menaxhojmë mirë këtë ndeshje dhe do të hedhim një hap të madh drejt kualifikimit në Europian.
Rivalët tanë janë Polonia dhe Shqipëria. Nuk do të jetë e lehtë me Shqipërinë, ata janë përmirësuar me trajnerin Silvinjo. Janë të shpejtë”, - ka theksuar trajneri çek, kur duhet pak më shumë se një javë deri në sfidën me kuqezinjtë.
Më 31 gusht pritet që trajneri Silvinjo të shpallë listën e lojtarëve të grumbulluar për Çekinë dhe Poloninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.