.png)
Gazeta Si - Një shtetase gjermane humbi jetën, ndërsa bashkëshorti i saj u plagos në një aksident të rëndë në aksin rrugor Librazhd-Qafë Thanë.
Ngjarja ndodhi pranë fshatit Urakë, ku një mjet trajler është përplasur me një automjet ku udhëtonin çifti nga Gjermania.
Ngjarja ka ndodhur rreth orës 17:30, në aksin rrugor 'Qafë Thanë-Prrenjas', kamioni që drejtohej nga shtetasi serb S.M., 50 vjeç, është përplasur me automjetin që drejtohej nga shtetasja gjermane U.S., 56 vjeçe.
Si pasojë e përplasjes, ka humbur jetën në vendngjarje, shtetasja U. S. Gjithashtu, është dëmtuar dhe ndodhet në kujdesin e mjekëve, shtetasi P. K., 50 vjeç, (pasagjer në automjetin me drejtuese shtetasen U. S.).
Gjermania 56-vjeçare është turistja e tretë që humb jetën në vendin tonë në harkun kohor të pak orëve. Më herët, policia e Tropojës njoftoi se dy turiste, një belge dhe një franceze u gjetën të pajeta në Valbonë, pasi ranë aksidentalisht në greminë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
