.png)
Prokuroria e Vlorës dorëzoi në gjykatë kërkesën për masat e sigurisë personale ndaj gjashtë të personave, të cilët u arrestuan dy ditë më parë kur në tragetin e linjës Brindisi-Vlorë u zbulua një furgon me materiale kancerogjene amianti dhe disa fuçi me lëndë të dyshimta. Ata akuzohen për kontrabandë me mallra të ndaluar në bashkëpunim me njëri -tjetrin e dënueshme me burg deri në dhjetë vjet , nenin 201/ a që përfshin grumbullimin e asgjësimin e mbetjeve të ndaluara që sjell pasojë ndotjen e ujit dhe ajrit dhe dëmtimin e shëndetit të qytetarëve si dhe neni 201/ b ; krim i transportit të lëndëve të ndaluara për tu sjellë në Shqipëri. Një burim i sigurtë pranë gjykatës tha për gazetën “Si” , se është kërkuar arrest shtëpie për kapitetin Festim Tafa, për shkak të moshës së tij. Ndërsa për pesë të tjerët prokuroria kërkon arrest me burg. Masa do të mbahet të hënën në orën 12 tha i njëjti burim i gjykatës. Në kërkesë thuhet se shoqërisë “Kormuzi” ju gjetën në ambjent sasi amianti , i ndaluar nq vendin tonë, ndërsa në traget u sekuestruan edhe fuçi me lëndë të papërcaktuar ende. Ndonëse doganat janë shprehur se fucitë nuk përmbajnë lëndë radiokative, prokuroria është në pritje të ekspertëve të fizikës bërthamore, pasi Instituti i Shëndetit Publik nuk ka pajisje të përcaktojë shkencërisht se cfarë është lënda në fuçi. Ndërkohë prokuroria nuk ka zbuluar ende as se ku do të groposeshin mbetjet e rrezikshme dhe të ndaluara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
