.png)
Trafiku ajror në Shqipëri është rritur me 20% gjatë sezonit veror, krahasuar me të njëjtën periudhë të vitit 2019.
“Albcontrol”, kompania kontrollore shtetërore e trafikut ajror njoftoi se tashmë operimet janë kthyer në normalitet pas pandemisë.
Rimëkëmbja ishte e shpejtë dhe në nivele të larta, pasi vetëm në muajt e parë të vitit 2021, trafiku ajror ishte minus 50% nga e njëjta periudhë e vitit 2019, më e suksesshmja për aviacionin në Shqipëri.
“Albcontrol” shton se kontribut në këtë përmirësim ka pasur edhe nisja e funksionimit të Aeroportit të Kukësit.
Shqipëria, sipas Bloomberg është i vetmi vend në Europë që nuk ka ndjerë pandeminë në Aviacionin Civil, kjo lidhet me faktin se vendi jonë nuk pati pothuajse aspak kufizime lëvizjeje, përveç se në periudhën e karantinës së plotë.
Gjatë muajit prill, trafiku ajror në vend u pezullua për dy ditë pasi punonjësit e kompanisë kontrollore refuzuan të punonin me arsyen e paaftësisë për shkak se pagat e tyre ishin ulur si rezultat i kufizimeve anti-Covid.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
