.png)
Gazeta Si - Italia ka goditur një grup kriminal të trafikut ndërkombëtartë drogës, ku bazat operacionale të tyre i kishin në Brazil dhe Shqipëri.
Gjatë operacionit ku morën pjesë 200 forca speciale, u arrestuan 15 persona, ndërsa për 9 të tjerë u dha masa e sigurisë “arrest shtëpie”.
Ky operacion ka dokumentuar dhe një herë bashkëpunimin mes mafias kalabreze "Ndrangheta" e mafias shqiptare në trafikun e kokainës nga Amerika Latine.
Hetimet kishin nisur prej vitit 2019-të pasi dyshohej se “Ndragheta” në bashkëpunim me bandat shqiptare dhe ato braziliane po zhvillonte një trafik ndërkombëtar droge, ku kalonte sasi të mëdha kokaine të cilat shpërndaheshin në Europë.
Sipas mediave italiane rrjeti, i cili përdorte celularë të koduar ose kabina telefonike publike për të komunikuar, lidhej me organizata të ndryshme që kishin bazat e tyre operacionale në Shqipëri dhe Brazil.
Organizata kishte mundur të sillte ngarkesa të mëdha kokaine nga Brazili, të magazinuara në Zvicër, për t’u transportuar më pas në Lombardi dhe për ta shitur te tregtarët me shumicë, përfshirë një subjekt shqiptar me rëndësi të veçantë kriminale.
Pas problemeve të lidhura me pagesën e lëndës narkotike, një anëtar i organizatës braziliane që furnizonte me drogë ka udhëtuar drejt Kalabrisë për të takuar kreun e bandës kriminale, për të gjetur një zgjidhje.
Hetimi ka zbuluar sesi konsorciumi kriminal prodhonte vetë sasi të mëdha kanabis, duke u kujdesur për proceset e mëpasshme të përpunimit (tharje, peshim dhe paketim).
Të dyshuarit, për të diversifikuar dhe intensifikuar lulëzimin e aktivitetit të paligjshëm, kanë kultivuar marijuanë në një zonë rurale të Bashkisë Candidon (QR) në të cilën ndodheshin. Policia atje gjeti dhe sekuestroi 1227 bimë kanabis, si dhe 74 kg drogë, duke arrestuar dy prej autorëve, të kapur në flagrancë.
Ekipi kriminal drejtonte gjithashtu një aktivitet të konsoliduar të klasifikimit të drogës nëpërmjet përdorimit të korrierëve të posaçëm
Në një rast, në fakt, një bashkëpunëtor që do të nisej për në Siçili u arrestua në flagrancë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
