Gazeta Si – Stafi teknik i Kombëtaresa shqiptare zhvilloi sot stërvitjen e radhës në stadiumin “Elbasan Arena”, në kuadër të përgatitjeve për kualifikueset e Euro 2024 ndaj Moldavisë dhe Ishujve Faroe. Të pranishëm ishin të gjithë lojtarët e grumbulluar nga trajneri Silvinjo.
Braziliani ndërkohë zhvilloi edhe një ndeshje kontrolli, ku testoi disa module loje që mendon të aplikojë në ndeshjen e së shtunës ndaj Moldavisë, shumë e rëndësishme kjo për ecurinë e mëtejshme të kuqezinjve.
Në testin që zgjati 45 minuta u aktivizuan edhe 4 lojtarë të marrë nga Kombëtarja U-21, konkretisht Medon Berisha, Arda Kurtulan, Elmando Gjini dhe Ajdi Dajko. Kuqezinjtë e vegjël po përgatiten në Elbasan për miqësoren me Bullgarinë.
Trajneri Silvinjo ka në dispozicion edhe tri ditë përpara sfidës me Moldavinë në ‘Air Albania’. Atmosfera është mjaft e mirë dhe të gjithë lojtarët gëzojnë një formë të mirë fizike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.