.png)
Gazeta Si – SPAK, në bashkëpunim me policinë, po zhvillon mëngjesin e kësaj të premteje një operacion të gjerë kundër krimit të organizuar, trafikut të drogës dhe pastrimit të parave.
Sipas burimeve paraprake, raportohet se janë lëshuar 20 masa sigurie, ndërsa deri më tani në pranga ka rënë Orest Sota.
Mësohet se masë sigurie ‘arrest me burg’ është lëshuar dhe për biznesmenët Artur Shehu dhe Ilir Shtufin, të cilët dyshohet se ndodhen jashtë vendit, të dyshuar se kanë pastruar paratë e një grupi trafikantësh droge.
Artur Shehu është një nga pronarët që posedon pjesën më dërrmuese të tokës në Zvërnec, ku është planifikuar ndërtimi i një resorti luksoz.
Ndërsa Orest Sota, është arrestuar më 1 nëntor 2017 pasi u kap duke qarkulluar në automjet me 863 mijë euro.
Në prill të këtij viti, Sota shkoi në SPAK ku qëndroi për 5 orë duke dhënë shpjegime për hetimet që po zhvillohen në kundër të AKSHI-t dhe njohjet me biznesmenin Ergys Agasi.
Burime pranë hetimit bëjnë me dije se aktiviteti kriminal dyshohet të jetë kryer në kuadër të një grupi të strukturuar kriminal, ndërsa kontrollet dhe procedurat për ekzekutimin e vendimeve gjyqësore vijojnë në disa zona.
Operacioni është ende në zhvillim dhe për pasojë nuk janë bërë publike detaje lidhur me numrin e personave të përfshirë, masat e sigurimit të zbatuara apo rezultatet konkrete të aksionit.
SPAK dhe Policia e Shtetit nuk kanë dhënë ende informacion shtesë, por pritet që në përfundim të operacionit të publikojnë një njoftim zyrtar me të dhëna të plota mbi hetimet, personat e proceduar dhe provat e administruara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje